وحید الرحمان پرہ عدالت میں پیش

0
138

پی ڈی پی یوتھ صد15دن کے لئے این آئی اے کی تحویل میں
سرینگر؍27،نومبر ؍کے این ایس ؍ پیپلز ڈیموکریٹک پارٹی(پی ڈی پی) کے یوتھ صدروحید الرحمان پرا کو 15روز کے لئے این آئی کے تحویل میں دیا گیا ہے ۔کشمیر نیوز سروس ( کے این ایس ( کے مطابق پیپلز ڈیمو کریٹک پارٹی(پی ڈی پی) کے یوتھ صدر وحید الرحمان پرہ ساکن پلوامہ کو 15دن کیلئے قومی تحقیقاتی ایجنسی (این آئی اے) کی تحویل میں دے دیا گیا۔ گرفتار یوتھ صدرکو جمعہ کے روز جموں لاکر’ این آئی اے‘ کی عدالت کے سامنے پیش کیا گیا جہاں اْس پر الزام عائد کیا گیا کہ اْس کے عرفان شفیع میر کے ساتھ’’ قریبی روابط‘‘ تھے۔میر کو رواں برس کے اوائل میںنوید بابو نامی جنگجو کے ہمراہ اْس وقت گرفتار کیا گیا تھاجب سابق پولیس آفیسردیوندر سنگھ دونوں کو وادی سے باہر لیجارہا تھا۔پرہ کو گرفتاری کے اگلے روز یعنی جمعرات کو دلی کی ایک عدالت میں پیش کیا گیا جہاں این آئی اے نے اْسے جموں کی عدالت میں پیش کرنے کیلئے ٹرانزٹ ریمانڈ حاصل کی۔ذرائع کے مطابق دیوندر سنگھ کیس کی تحقیقات کے دوران این آئی اے کو پرہ اور میر کے ٹیلی فون رابطے کے بارے میں پتہ چلا ہے۔میر نے پوچھ تاچھ کے دوران اس بات کا انکشاف کیا ہے کہ پرہ نے 2019پارلیمانی انتخابات کے دوران اْن سے پارٹی اْمیدوار محبوبہ مفتی کیلئے حمایت طلب کی تھی،یوتھ لیڈر کو ایجنسی نے بدھ کے روز دہلی میں جنگجووں کے ساتھ ساز باز کرنے کی پاداش میں گرفتار کرلیاگیا تھا۔

LEAVE A REPLY

Please enter your comment!
Please enter your name here