نوجوانوں تک پہنچنے کی کانفرنس میں لئے گئے فیصلوں کو عمل میں لایا جا رہا ہے

0
128

لفٹینٹ گورنر نے ٹرانسپورٹ شعبے کے ساتھ وابستہ نوجوانوں کیلئے موافق روز گار پروگرام شروع کیا
جموں 27 نومبر :31 اکتوبر 2020 کو منعقدہ مشن یوتھ کی جانب سے نوجوانوں تک پہنچنے کیلئے کانفرنس میں لئے گئے فیصلوں اور منصوبوں کی عمل آوری کی جانب ایک اہم پیش رفت کے طور پر لفٹینٹ گورنر منوج سنہا نے آج ٹرانسپورٹ شعبے سے وابستہ نوجوانوں کیلئے موافق روز گار پروگرام شروع کیا ۔ واضح رہے جموں کشمیر حکومت کا مشن یوتھ جموں کشمیر کے نوجوانوں کیلئے منظم روز گار کے مواقعے پیدا کرنے کے لئے ایک منظم لایحہ عمل پر کام کر رہا ہے ۔ اس ضمن میں دیگر اداروں کے علاوہ اشوک لی لینڈ نے جموں کشمیر کے نوجوانوں کیلئے پائیدار روز گار کے مواقعے پیدا کرنے کے وعدے کی پاسداری کرتے ہوئے ٹرانسپورٹ شعبے کیلئے ممکن سکیم شروع کی ہے۔سکیم کے تحت لفٹینٹ گورنر نے رعائتی نرخوں پر یو ٹی کے دس مستحق نوجوانوں میں کمرشل گاڑیاں تقسیم کیں ۔ انہوں نے کہا کہ یو ٹی حکومت جموں کشمیر کے نوجوانوں کیلئے روز گار کے پائیدار مواقعے فراہم کرنے کیلئے ایک ٹھوس لایحہ عمل پر عمل پیرا ہے ۔ اس موقعہ پر چئیر مین اشوک لی لینڈ نیرج ہندوجھا نے کہا کہ حکومت جموں کشمیر کے ساتھ شراکتداری کیلئے خوش ہیں جس کے تحت مقامی آبادی کی فلاح و بہبود کیلئے کام کیا جائے گا اور نوجوانوں کو حقیقی معنوں میں آتم نربھر بنایا جائے گا ۔ اس موقعہ پر لفٹینٹ گورنر کے مشیر آر آر بٹھناگر ، چیف سیکرٹری بی وی آر سبھرامنیم ، لفٹینٹ گورنر کے پرنسپل سیکرٹری ، چئیر مین جے کے بنک ، سی ای او مشن یوتھ اور دیگر متعلقہ افسران موجود تھے ۔

LEAVE A REPLY

Please enter your comment!
Please enter your name here