ضلع ترقیاتی کونسل کے انتخابات کا پہلا مرحلہ آج

0
141

 رائے دہندگان ،پولنگ عملے اور مراکز کے لئے سیکورٹی کے سخت ترین بندو بست
سرینگر؍27،نومبر ؍کے این ایس ؍ سخت ترین سیکیورٹی بندو بست کے بیچ 8مراحل پر محیط ضلع ترقیاتی کونسل کے انتخابات کے ساتھ پنچایتی وبلدیاتی ضمنی انتخابات کا عمل آج یعنی سنیچر وار سے شروع ہو رہا ہے ۔انتخابات کے پہلے مرحلے کے تحت آج ووٹ ڈالئے جائیں گے ۔اس سلسلے میں43نشستوں کے لئے352امیدوار اپنی قسمت آزمائی کر رہے ہیں ۔اس کے علاوہ تین بلدیاتی اداروں کے لئے بھی ضمنی انتخاب منعقد کئے جائیں گے ۔اس سلسلے میں انتخابات کو منصافہ اور آزادیانہ طور منعقد کرنے کے لئے تمام انتظامات کو حتمی شکل دی گئی ہے ۔جبکہ سیکورٹی کے لئے بھی معقول بندو بست عمل میں لایا گیا ہے ۔کشمیر نیوز سروس ( کے این ایس ) کے مطابق جموں و کشمیر میں ڈسٹرکٹ ڈیو پولمنٹ کونسل (ڈی ڈی سی ) انتخابات کے43نشستوںکے پہلے مرحلے کی ووٹنگ سنیچر کے روز28نومبر کو منعقدہوگی ،جس میں 352امیدوار میدان میں ہیں ۔اس کے علاوہ3 بلدیاتی اداروں پر جن میںسرینگر میونسپل کارپوریشن (ایس ایم سی ) ،میونسپل کونسل پہلگام ،اور عیش مقام میونسپل کونسل ،پر بھی انتخابات منعقد کئے جائین گے۔سرکاری ذرائع نے بتایا ان انتخابات میں 353امیدواروں میں کاغذات نامزدگیاں بھی داخل کیا ہے ۔پہلے مرحلے کی ووٹنگ کے43سیٹوں میں25کشمیر جبکہ18جموں میں ہیں۔ذرائع نے بتایا کل260امیدواروں نے سرپنچ نشستوں کے لئے کاغذات نامزدگیاں داخل کئے ہیں ۔جبکہ پہلے مرحلے میں پنچ نشستوں کے لئے1761افراد نے کاگزات نامزدگیاں داخل کی ہے۔عہدیداروں نے بتایا کہ پہلے مرحلے میں ، تین شہری بلدیاتی اداروں جس میں سری نگر میونسپل کارپوریشن (ایس ایم سی) ، پہلگام میونسپل کونسل اور عشمقام میونسپل کونسل کے لئے بھی ضمنی انتخابات بھی منعقد ہوں گے۔انہوں نے بتایا کہ پہلے مرحلے میں رائے شماری کرنے والے ایس ایم سی کے دو وارڈوں کے لئے 21 نامزدگی موصول ہوئے تھے ، پہلگام میونسپل کونسل کے 9 وارڈوں کے لئے 31 نامزدگی موصول ہوئے تھے۔انہوں نے مزید کہا کہ عیشمقام میونسپل کونسل کے پانچ وارڈوں کے لئے ، 10 امیدواروں نے اپنے کاغذات نامزدگی جمع کرائے ہیں۔عہدیداروں نے بتایا کہ پہلے مرحلے میں انتخابات میں حصہ لینے والے تینوں اداروں کے تمام وارڈوں کے لئے نامزدگی موصول ہوئے تھے۔انہوں نے بتایا زیادہ تر نامزدگییں شمالی کشمیر کے ضلع کپواڑہ میں موصول ہوئی ہیں ۔جہاں 196امیدوراوں نے ڈی ڈی ڈی سی انتخابات اور سرپنچ اور پنچ حلقوں کی خالی نشستوں کے لئے کاغذات جمع کرائے ہیں۔جبکہ33نامزدگیاں تین ڈی ڈی سی حلقہ انتخابات کے لئے داخل کئے گئے ہیں۔اس دوران کلاروس ،کرال پورہ اور ٹنگڈار،م حلقہ انتخاب میں8خالی سر پنچ نشستوں کے لئے 20افراد نے کاغزات نامزد گیاں داخل کئے ہیں،عہدہ دار نے مزید بتایا کہ حلقہ انتخاب میں 79پنچ نشستوں کے لئے 143افراد نے کاغزات نامزدگیاں داخل کئے ہیں ۔اس دوران جنوبی کشمیر کے شوپیان میںپہلے مرحلے کے لئے94نامزدگیاں داخل کی گئی ہیں ،جن میں18نامزدگیاںڈی ڈی سی انتخابات ،12خالی سرپنچ نشستوں،جبکہ64خالی پنچ سیٹوں کے لئے ڈاخل کئے گئے ہیں ۔عہدیداروں نے بتایا کہ اعداد و شمار کو مختلف وجوہات کی بناء پر مرتب کرنے میں وقت لگا ہے کیونکہ پہلے مرحلے میں پولنگ کے لئے جانے والے بیشتر علاقے بہت دور تھے۔سرکاری ذرائع نے بتایااس حوالے سے پولنگ عملے ووٹران کے لئے بہتر سیکورٹی اور باقی انتظامات مکمل کئے گئے۔پہلے مرحلے کی ووٹنگ کے لئے انتہائی حساس اورحساس پولنگ مراکز کے لئے لا مثال انتظامات مکمل کرنے کی کوشش کی گئی ہے جبکہ پولنگ عملے کی حفاظت اور باقی سہولیات کے لئے بہترین اقدامات اٹھائے گئے ہیں ۔خیال رہے آج ڈی ڈی سی انتخابات کے پہلے مرحلے کی ووٹنگ کی جا رہی ہے ۔

LEAVE A REPLY

Please enter your comment!
Please enter your name here