نوین چودھری نے کیڑے مار َادویات کے معیار کا جائزہ لینے کیلئے میٹنگ کی صدارت کی

0
142

سر ی نگر/27؍نومبر :پرنسپل سیکرٹری باغبانی نوین کمار چودھری نے آج باغبانی او رکسانوںکو فراہم کی جانے والی معیاری پیسٹ سائیڈس سے متعلق جائزہ لینے کے لئے اَفسران کی ایک میٹنگ کی صدارت کی۔میٹنگ میں ناظم باغبانی ، ناظم زراعت ، ناظم انفورسمنٹ اور دیگر اَفسران نے شرکت کی۔اِس میٹنگ میں باغوں اور کاشتکاروں کو ناقص کیڑے مار اَدویات کی فراہمی کے بارے میں عوامی شکایات پر تبادلہ خیال کیا گیا جس کے بارے یہ کہا جاتا ہے کہ یہ سکیب بیماری کی ایک اہم وجہ ہے جس نے سیب کے معیار اور اس کی پیداوار کو متاثر کیا۔دورانِ میٹنگ بتایا گیا کہ کسانوں کو کیڑے مار اَدویات کی درآمد اور فراہمی کے معیار کو جانچنے کے لئے این اے بی ایل کے ذریعہ تصدیق شدہ لیبارٹریاں قائم کی جائیں گی۔ مزید یہ کہ موجودہ لیبارٹریوں کی اَپ گریڈیشن پر بھی غور و خوض ہوا۔ دریں اثنأ پرنسپل سیکرٹری نے اَفسران کو ہدایت دی کہ کیڑے مار ادویات کی خریداری پہلے سے کی جانی چاہئے تاکہ کیڑے مار اَدویات کی جانچ اور نتائج بروقت دستیاب ہوں۔اس سے قبل پرنسپل سیکرٹری نے یونٹ ہولڈروں کے ساتھ پولٹری اورسپائس پروسسنگ انٹرپرائزز کے سلسلے میں ایک میٹنگ منعقد کی۔اس میٹنگ میںناظم بھیڑو پشو پالن ، ڈائریکٹر صنعت و حرفت ، پولٹری فارم اور پروسسنگ انٹراپرینیور کے علاوہ مسالہ یونٹ ہولڈروں نے شرکت کی۔میٹنگ میں پولٹری صنعت سے متعلق امور اور اس کے فروغ سے متعلق سیر حاصل بحث و تمحیص ہوا۔اِس موقعہ پر پی ایس نے شرکأ سے کہا کہ پیداوار بڑھانے کے لئے پولٹری پروسسنگ اور مصالحوں والی متعدد متعلقہ یونٹوں پر سرمایہ کاری کریں۔ انہوں نے ان پر زور دیا کہ وہ مائیکرو فوڈ پروسسنگ انٹرپرائز یونٹوں کی تشکیل کو سکیم کے تحت فراہم کی جانے والی سہولیات اور مراعات سے استفادہ کریں۔

LEAVE A REPLY

Please enter your comment!
Please enter your name here